உன்னதமான உயி(ய)ர்பணி

(ஜூலை - 1 - 1882 முதல் ஜூலை - 1 - 1962 வரை இந்தியாவின் மேற்கு வங்கத்தில் வாழ்ந்து மருத்துவதுறையால் மக்களுக்கு அரும்பெரும் சேவைசெய்த மாமனிதர், மருத்துவர் பிதன் சந்திர ராய் என்பவரை போற்றும் விதமாகவும், ஒட்டுமொத்த இந்திய மருத்துவர்களைப் பெருமைப்படுத்தும் விதமாகவும், ஜூலை 1 தேசிய மருத்துவர்கள் தினமாகக் கொண்டாடப்படுகிறது.)

Source: in.pinterest.com

மருத்துவர்களுக்காக  ஒரு சிறிய வாழ்த்து மடல்

மகத்தான உடம்பை வியாதியின் 

மேய்ச்சலிலிருந்து காக்கும் போராளிகளே,

பிறருக்காகவே உழைக்கும் உங்களுக்கான நாள்;

இந்திய தேசிய மருத்துவர்களுக்கான திருநாள்!

ஆடுமேய்க்கும் அப்பிராணியும் சரி, 

ஆகச்சிறந்த அறிஞனும் சரி,

உங்களுக்கு முன் பணிவார் 

உங்கள் வாக்கை மெய்யென ஏற்பார்!

உங்கள்  திறமையால் சில இதயங்களும் இடமாறும்,

கண்களும் ஒளிபெறும் சிறுநீரகம் சீராகும்,

ரத்தமெல்லாம் சுத்தமாகும், எல்லாம் சாமி சித்தமாகும்.

ஆனாலும் கொடுமை உங்கள் பெயரிலும் 

சில போலிப்பதர்கள் - முள்ளுள்ள புதர்கள்.

அறியாமை சமூகத்தின் இருள் நீக்க,  

சுண்ணாம்பு வெள்ளையடிக்க - உளமார 

வெள்ளை உடையனிந்த நல்ல உள்ளங்களே, 

நீங்கள் கத்தியெடுத்தால் மட்டும் தான் 

நானிலமும் நன்மை பிறக்கிறது!

தொட்டுவிட்டால் தொற்றிவிடும் 

பட்டுவிட்டால் பரவிவிடும் - எனினும் 

விட்டுவிட்டுச் செல்லாத உம் புகழ் 

எட்டுத்திக்கும் பூவாய் மணக்கும் 

கற்கண்டு பாலாய் இனிக்கும்!

காலமில்லா நேரமில்லா பொழுதிலும் 

பசியறியா தூக்கமறியா ஓட்டத்திலும்  

நண்பகலானுலும் கும்மிருட்டானாலும் 

வேளையறியா வேலைப்பார்க்கும் உங்களையும்  

உயிரே போகும் நிலையிலும்

உயிர் காக்கும் உம் அர்ப்பணிப்பையும்   

எப்படி நான் புகழுவது?

உன்னதமான உயி(ய)ர்பணி செய்யும் உமக்கு 

வாடாத வெள்ளைத் தாமரையும்

மணமான சந்தன பவுடரையும் 

பன்னீர் நிரம்பிய கொப்பரையும் 

அள்ளி இரைக்க ஆபரணங்களையும் 

வைத்து தப்பாது வாழ்த்தினாலும் அது ஒப்பாது!.

உங்கள் முகத்தின் மென்மையான சிரிப்பு 

வியாதியை விரட்டும் நன்மையான நெருப்பு.

உங்கள் கழுத்தில் தொங்கும் STETHOSCOPE

எங்கள் இதயத்தை படம் பிடிக்கும் BIOSCOPE.

 உங்கள் ஆறுதலான ஊக்கம் தரும் பேச்சு 

எங்கள் வாழ்நாளை அதிகரிக்கும் உயிர்மூச்சு.

 

உங்கள் தன்னலமற்ற சேவை தொடரட்டும்!! 

எங்களின் அன்பும், இறைவனின் ஆசீரும் பெருகட்டும்!!!

Source: happydoctorsday.com

(வழக்கம்போல வழிகாட்டிய அண்ணன்  SF அவர்களுக்கு மனமார்ந்த நன்றி.)