1176/1200

புகைப்பட சான்று : SOUND CLOUD   

அன்புத்தங்கையே அனிதா, 

நீ என் நினைவுகளில் 

நீங்காத நிழல் தான் !

நீ வாழமப்போன பூமியில 

"அனிதா" என யாரும் உச்சரித்தாலே 

உன் முகம் தான் பிரதிபலிக்கும்;

உன் முடிவு அதிரணமாய் வலிக்கும்.

உனது முடிவு சரியல்ல என்பது உண்மை !

ஆனால், முட்டாள்தனம், மூடத்தனம் என்போரே 

"வெவ்வேறு விதமான கல்வி, ஒரே தேர்வு !"

இதை நீங்கள் எப்படி வரையறுப்பீர்கள்?

'சான்றோர்களே சான்று கொடுங்களேன்.'

அத்தியாவசியம் எதுவும் சந்திக்கப்படாமல் 

ஒரு பெண் 1176/1200 மதிப்பெண்கள் எடுத்தும் 

அவளால் தன் கனவைத் தொடமுடியவில்லையே?

மருத்துவராக வாழ்ந்த உனது உணர்வுகளை 

மரமும் செடியும் கூட மனதார மதிக்கும், 

சமூகத்தின் சார்பாக மன்னிப்புக்கேட்கும்....

உன் சிகரம், லட்சியம் எதுவும் துளியும் தவறல்ல,

இந்த உலகத்தில் நமக்கானதையும், நாம் 

போராடித்தான் பெறவேண்டும் என்ற நிர்பந்தம் 

'சாமானியர் சண்முகம் பெற்ற இன்முகமே'

போராடி பெறமுடியாததற்காகவா நீ புறப்பட்டு சென்றாய்?

முடிக்கத்தெரியாமல் முடிக்கிறேன் . . . 

(மறதி எனும் தேசிய வியாதியால் பாதிக்கப்பட்டவர்களில் நானும் ஒரு குடிமகன்.

மூன்றாண்டுகளுக்கு முன்னதாக இந்த நாளில் நம்மை மீளாத்துயரில் ஆழ்த்திய அன்புத்தங்கை DR. அனிதாவை மறந்துவிட்டேனே ?

அனிதாவை நினைவுபடுத்திய ராசா பாவாணருக்கு நன்றி!!!)