நோக்கமும் ஆக்கமும்

யோசேப்பு: நீங்கள் எனக்குத் தீமைசெய்ய நினைத்தீர்கள்; 

தேவனோ, இப்பொழுது நடந்துவருகிறபடியே, 

வெகு ஜனங்களை உயிரோடே காக்கும்படிக்கு, 

அதை நன்மையாக முடியப்பண்ணினார்.

ஆதியாகமம் 50:20

யோசேப்பின் உயிரைக்குடிக்க உடன்பிறப்புகள் துடிக்க, 

உன்னத தேவனோ உயரத்திலும் உயரமாய் யோசேப்பை உயர்த்தினார். 

அற்பப்பணத்துக்கு விற்கப்பட்பட்டாலும், 

ஆண்டவரால் அதிபதியாக்கப்பட்டார். 

அதிபதியானாலும், தன்னை விற்றுப்போட்டவர்களை பழிவாங்கவில்லை; 

மாறாக, பசியாற்றிப் பராமரித்தார்! 

யோசேப்பைக் குழிக்குள் தூக்கிப்போட்டார்கள், 

முடிவில் அவரே குடிகளுக்கெல்லாம் படிஅளக்கிறார்.

 சகோதரர்கள் தீமைதான் செய்தார்கள், 

சர்வவல்லமையுள்ளவரோ தீமையையும் நன்மையாக மாற்றினார். 

ஆகவே, உண்மை ஒன்றுதான்: 

"நோக்கம் நமதானாலும், ஆக்கம் ஆண்டவருடையதே"!

சர்வ வல்லவர் நம் சொந்தமானால்,

தீதும் நன்றாகும், பாலையும் பயிராகும்/சோலையாகும்.