வழியறியா வலி ?

மோசே தன் கையைச் சமுத்திரத்தின்மேல் நீட்டினான்; 

அப்பொழுது கர்த்தர் . . அதை வறண்டுபோகப்பண்ணினார்;

ஜலம் பிளந்து பிரிந்துபோயிற்று. இஸ்ரவேல் புத்திரர் 

சமுத்திரத்தின் நடுவாக வெட்டாந்தரையிலே நடந்துபோனார்கள்.

யாத்திராகமம் 14:21-22

சாகடிக்கத்துடிக்கும் கும்பலிடம் தப்பிக்க நினைக்கும் 

இஸ்ரவேல் மக்களுக்குத் தண்ணீர் தடையாக நிற்கிறது; 

மரணபயத்தில் சமுத்திரம் சவக்குழியாகத் தெரிகிறது. 

ஆனால், சர்வ வல்ல தேவனோ, தமது மக்களுக்காக 

சடிதியில் சமுத்திரத்தின் தண்ணீரையேப் பிரித்து, 

தரையை வறட்சியாக்கி வழிநடத்தி காப்பாற்றினார்.

'கடற்கரையிலே கதியற்று நின்றோர் 

கடலையே கடந்துவிட்டனர்- காப்பாற்றப்பட்டனர்'. 

இதுபோன்ற கடற்கரை சூழலோ, கடல்கடக்கும் தேவையோ எதுவாயினும், 

நமது கால்களை ஆழிக்குள்ளும், சகதிக்குள்ளும் சிக்கிடாமல், 

நம்மைக் காத்து வழிநடத்த கர்த்தர் வல்லவராயிருக்கிறார்.

வழியே இல்லாத இடத்திலும் வழியை உருவாக்கி, 

வழிநடத்தி வாழ்வளிக்கும் கர்த்தரையே நோக்கிப்பார்ப்போம்.

P.C.: Google Images