விந்தையாம் வில்லியம் கேரி

Image Courtesy: uk.pinterest.com

விடுதலைக்கு வித்தாக;
விண்ணவரின் சத்தம் கேட்டு விடியலாக புறப்பட்டாய்!

இருள் நிறைந்த இந்தியா இன்முகம் காட்டவில்லை;
கட்டிய மனைவி, கண்ணெதிரே பிள்ளை...
காலவன் அழைத்தாலும் கலங்கவில்லை;
கலப்பையில் கைவைத்த நீர் ....
கஷ்டங்களுக்காக பின் திரும்பவில்லை;

கேட்ட சத்தியத்தை கேட்பாரற்று கிடப்போருக்கெல்லாம் ...
சமயம் வாய்த்தாலும் வாய்கவிடினும் பகிர்ந்தளித்தாய்!

மேடைகளும் முகப்பு விளக்குகளுமே இருந்தால் தான்
நற்செய்தியை பறைசாற்றுவோம் என
முனங்கிக்கொண்டிருக்கும் எங்களுக்கு;
நடுத்தெருவில் நண்பகல் உணவு இடைவேளையிலும்
நற்செய்தியை பரிமாறலாம் என எடுத்துரைத்தாய்!

இந்தியாவின் முதல் நாளிதழாம்
சமாச்சார் டர்பன் ஐ சத்தமில்லாமல் வெளியிட்டாய்!

முழு திருமறையை ஆறு மொழிகளிலும்;
இருபது மொழிகளில் புதிய ஏற்பாடு நூல்களையும்
எமக்கு பரிசளித்தாய்;

காலணியில் கைவைத்து....
கர்த்தரின் வார்த்தைக்கு கீழ்படிந்து
சோதனைகள் குறுக்கிடினும்...
எத்தனை சாதனைகள்!

உடன்கட்டை எனும் சதியை அடித்து நொறுக்கும்
உருட்டு கட்டையாக உருவாக்கப்பட்டாய்!

உம் பிறந்த நாளில் (17-08-1761)
உம்மை பிறக்கவைத்தவரை போற்றுகிறோம்!🙏

சேட்டைகளுக்கெல்லாம் ஸ்டேடஸ்;
உப்பு சப்பற்ற விடயத்துக்கெல்லாம் போஸ்டர் அடித்து
ஓயா சுய புகழ் பரப்பும் இக்காலத்தில்;

ஒப்பற்ற பணிபுரிந்து - ஒன்றும் அறியாதவன் போல்
ஆண்டவரிடத்தில் அர்ப்பணிக்கும் உம் இறுதி வரிகள்

அவலமுற்ற ஏழையாய்... உதவியற்ற புழுவாய்;
கருணை மிக்க உம் கரங்களில் விழுகிறேன்! - வில்லியம் கேரி.

-இதயம் கசிந்த நன்றியுடன் - வீ!